الشات الطويل مع Claude بيوصل لنقطة يبدأ فيها ينسى اللي اتفقتوا عليه ويخمّن. handoff skill مجانية من Matt Pocock بتحل ده: بتلخص الشات كله في ورقة تسليم فيها القرارات، ووقفتوا فين، والملفات بأماكنها، وبتشيل منها الباسووردات والبيانات الشخصية. تفتح شات جديد، تديله الورقة، ويكمل من نفس النقطة. الدليل بيوريك إمتى تستخدمها، وتنزلها إزاي في Claude Code أو تطبيق Claude، ومعاها grill-me.
الفكرة في 4 خطوات
بدل ما تعيد كل حاجة من الأول، تسلّم الشغل زي تسليم الشيفت.
الشات طوّل
Claude بقى يلخبط ويسأل عن حاجات اتفقتوا عليها.
تكتب handoff
ومعاها جملة: الشات الجاي هيكون عن إيه.
ورقة تسليم
اتفقتوا على إيه، وقفتوا فين، والملفات. من غير باسووردات.
شات جديد
تديله الورقة، ويكمل من نفس النقطة.
إمتى تحتاجها، وإزاي تشغلها
في الشات الطويل جدًا، التفاصيل اللي اتقالت في الأول بتتوه. أول ما يبدأ يخمّن، اكتب الأمر ومعاه جملة عن الشات الجاي.
- لما يرجع يخمّن رقم اتفقتوا عليه، ده وقت الـ handoff.
- الجملة بعد الأمر اختيارية، بس بتخلي الورقة على مقاس الشغل الجاي.
- ورقة واحدة بدل 200 رسالة. الملفات بيكتب مكانها بس، مش بينسخها.
/handoff the next chat will finish step 4 of the campaign planإيه اللي جوه ورقة التسليم
حاجة يقراها شات جديد في ثواني ويفهم كل حاجة.
- القرارات اللي اتاخدت، عشان الشات الجديد ميرجعش يسأل فيها.
- الملفات بأسمائها ومكانها. الشات الجديد يفتحها لو احتاج.
- بيقترح skills تنفع للخطوة الجاية. الباسوورد والموبايل بيتشالوا لوحدهم.
كمّل في شات جديد
افتح شات جديد، الصق الورقة أو ارفعها، وقوله يكمل.
- الورقة بس، من غير الـ 200 رسالة.
- الشات الجديد بيرجع للرقم الصح ويبدأ من نفس النقطة.
اعملها قبل ما الشات يبوظ، مش بعده. أول ما تحس إنه بدأ يعيد أسئلة، سلّم.
نزّلها خطوة بخطوة
الـ skill مجانية على GitHub، في نفس الريبو بتاع grill-me. اختار الطريقة اللي تناسبك.
Claude Code أو Codex أو Cursor: أمر واحد
بينزّل handoff، ومعاها grill-me اللي بتخلي Claude يسألك قبل ما يبدأ.
npx skills add mattpocock/skills --skill handoff --skill grill-me --skill grillingشغّلها في Claude Code
في آخر أي شات طويل، ومعاها جملة عن الشات الجاي.
/handoffتطبيق Claude: ارفعها كـ ZIP
نزّل الريبو كـ ZIP، وخد فولدر handoff لوحده. امسح منه سطر disable-model-invocation في SKILL.md، واعمله ZIP، وارفعه من Customize ثم Skills.
github.com/mattpocock/skills
في تطبيق Claude لازم يكون Code execution and file creation شغال من Settings ثم Capabilities. وبعدين قوله: اعمل handoff للشات ده، واعرض الورقة هنا عشان أنسخها.
ومعاها grill-me
handoff بتنقذ شات طويل. grill-me بتخلي الشات يبدأ صح من الأول: Claude يسألك لحد ما تتفقوا على كل تفصيلة، وبعدين بس يبدأ.
الاتنين من Matt Pocock، مجانيين ورخصتهم MIT. والـ handoff اتنزلت 1.2M مرة على skills.sh، والرقم بيعد مرات التنزيل مش الناس.
