خلّي الـ AI يستجوبك قبل ما يشتغل

ليه الـ AI بينفذ حاجة غير اللي في دماغك

مش ضعف. بيبدأ يشتغل وهو فاهم جزء صغير من الصورة.

انت كتبت

جملتين عن اللي عايزه.

في دماغك

الجمهور، الميزانية، الميعاد، القيود، اللي جربته قبل كده وفشل، ومين هيوافق.

كل تفصيلة مقلتهاش، هو بيخمنها.

grill-me بتعمل إيه

بتقلب الأدوار: هو اللي بيسأل، وانت اللي بتقرر.

1. 1

   تحكيله الخطة في كام سطر

2. 2

   يرد بجولة أسئلة مترقمة، ومع كل سؤال إجابة بيقترحها

3. 3

   تكتب yes تقبل الاقتراح، أو تكتب رأيك

4. 4

   لو المعلومة موجودة في ملفاتك، بيدور عليها بنفسه

5. 5

   مبيبدأش ينفذ غير لما تأكدله إنكم متفقين

أمثلة تستخدمها فيها

أي حاجة هتطلب من الـ AI يعملها وفيها قرارات.

خطة campaign

مين الجمهور؟ الميزانية كام؟ النجاح هيتقاس بإيه؟

تقرير للإدارة

مين هيقراه؟ والمفروض يطلع منه بقرار إيه؟

feature في كود

الـ data شكلها إيه؟ لو الـ API وقع؟ مين يقدر يعمل إيه؟

شغّلها في Claude أو ChatGPT

مش للمبرمجين بس. الـ skills بقت جوه تطبيقات الشات نفسها.

Claude

متاحة على كل الـ plans حتى المجاني، بعد ما تفعّل code execution. ارفع الـ skill من Customize ثم Skills ثم + ثم Upload a skill، كملف ZIP.

ChatGPT

متاحة على Business، Enterprise، Edu بس، مش على Plus ولا Pro. ارفعها من Plugins ثم Skills ثم Create ثم Upload from your computer.

Claude Code وأخواته

Claude Code، Codex، Cursor: نزّلها بأمر واحد، تحت.

في Claude أو في ChatGPT ارفع فولدر grilling، هو اللي فيه الأسئلة. وبعدين قوله grill me على خطتي، واحكيله الخطة.

نزّلها خطوة بخطوة

الـ skill مجانية على GitHub. اختار الطريقة اللي تناسب الأداة اللي بتستخدمها.

1. 1

   لـ Claude أو ChatGPT: نزّل الفايل

   نزّل الريبو كـ ZIP من GitHub، وخد فولدر grilling لوحده واعمله ZIP، وارفعه زي ما في الخطوة اللي فاتت.

   github.com/mattpocock/skills

2. 2

   لـ Claude Code أو Codex أو Cursor: أمر واحد

   grill-me بتستدعي grilling، فالأمر ده بينزّل الاتنين مع بعض.

   npx skills add mattpocock/skills --skill grill-me --skill grilling

3. 3

   شغّلها على خطتك

   في Claude Code اكتب الأمر ده. وفي Claude أو ChatGPT قوله: grill me على خطتي، وبعدها احكيله الخطة.

   /grill-me

ChatGPT بيعمل scan للـ skill قبل ما يشغلها. راجع أي skill قبل ما ترفعها، حتى لو مشهورة.

مين عاملها

Matt Pocock، مدرّس TypeScript معروف، اشتغل developer advocate في Vercel، وعامل Total TypeScript.

• 1.4M: install لـ grill-me على skills.sh، رقم 2 من أول ما الموقع اشتغل
• MIT: مجانية ومفتوحة المصدر، تستخدمها في أي شغل

الرقم بيعد مرات التنزيل، مش عدد الناس.