خطة 30 يوم تتعلم فيها AI بقاعدة 70/20/10

القاعدة في سطرين

أغلب اللي بنتعلمه بييجي من الشغل نفسه، وجزء من الناس، وجزء صغير من الكورسات. النسب تقريبية، بس بتقولك تصرف وقتك فين.

• 7 ساعات مهام حقيقية من شغلك
• ساعتين مع زميل أو community
• ساعة كورس أو قراءة

القاعدة طلعت من أبحاث Center for Creative Leadership على مديرين ناجحين، ونشرها Lombardo و Eichinger سنة 1996. تقدير من كلام المديرين عن تجربتهم، مش رقم متقاس. عندك 5 ساعات بس؟ نفس النسبة: 3.5 شغل، ساعة مع ناس، ونص ساعة كورس.

الشهر في 4 أسابيع

كل أسبوع مهارة واحدة، على شغلك انت، وعلى أي AI بتستخدمه.

1. 1

   أسبوع 1: يكتب

   إيميلات وتقارير

2. 2

   أسبوع 2: يلخص

   اجتماعات ومكالمات

3. 3

   أسبوع 3: يحلل

   شيت بتشتغل عليه

4. 4

   أسبوع 4: صلّح واحفظ

   مكتبة الـ prompts

قبل ما تبدأ: اختار 3 مهام بتتكرر

الـ 70% محتاجة شغل حقيقي، مش تمارين. اكتب 3 حاجات بتعملها كل أسبوع وبتاخد وقت.

حاجة بتكتبها

إيميل طويل، رد على عميل، تقرير أسبوعي.

حاجة بتسمعها

اجتماع، مكالمة، voice note محتاج يتلخص.

حاجة بتحللها

شيت مبيعات، مصاريف، أرقام الشهر.

متختارش حاجة فيها بيانات سرية للشركة أو للعملا. ابدأ بحاجة عادية.

الأسبوع 1: خليه يكتب

يوم 1 و 2 إيميل طويل من نقطك، يوم 3 رد صعب بـ 3 نبرات، يوم 4 و 5 التقرير الأسبوعي. الجمعة احفظ أحسن prompt.

• إيميل قصير بنبرتك، من نقط مكتوبة على السريع.
• اللي خمّنه في سطر لوحده. ده اللي تراجعه قبل ما تبعت.

Here are my rough notes for an email to [who].
Goal: [what I want them to do].
Write it short and clear, in my tone: direct and polite.
Then list anything you assumed that I should check.

[paste your notes]

الأسبوع 2: خليه يلخص

اجتماع واحد كل يوم من النوتس أو الـ transcript. قارن التلخيص باللي حصل فعلا، وشيل الأسامي والأرقام السرية الأول.

• القرارات الأول، قبل أي تفاصيل.
• النوتس مقالتش مين؟ بيكتب [UNCLEAR] بدل ما يخمّن. اسأل انت.

Summarize this meeting in 5 bullets.
Put the decisions first.
Then a table: task, owner, deadline.
If something is unclear in the notes, write [UNCLEAR], do not guess.

[paste notes or transcript]

الأسبوع 3: خليه يحلل

شيت واحد بتشتغل عليه كل أسبوع. أهم 3 ملاحظات بالحسبة، تراجعها بنفسك، وتحولها لـ 3 سطور للمدير.

• الأرقام من الشيت بتاعك بس.
• الحسبة مكتوبة جنب كل ملاحظة. راجعها بالآلة الحاسبة في ثانية.

Here is a table from my work. Read it first.
Tell me the 3 most important things it shows, with the numbers.
Show every calculation step so I can check it.
Do not invent numbers that are not in the table.

[paste the table]

الأسبوع 4: صلّح الـ prompt، واحفظه

كل مرة يغلط، صلّح الـ prompt بدل ما تصلّح النتيجة بإيدك. واحفظ آخر نسخة صح في ملف واحد اسمه My prompts، مقسوم بنوع الشغل.

• السطر الجديد اللي بيمنع الغلطة تتكرر.

Your last answer missed [what was wrong].
Rewrite my original prompt so this does not happen again.
Keep it short. Show me the new prompt only.

الـ 20%: ساعتين مع ناس

اللي بيتعلم لوحده بيقف عند أول حاجة صعبة. خلّي معاك ناس.

زميل واحد

يتعلم معاك نفس الشهر. 15 دقيقة كل أسبوع.

تبادلوا prompt

كل واحد يجيب أحسن prompt عنده الأسبوع ده، ويجربه التاني.

community واحدة

واحدة بس، فيها ناس شغلهم شبه شغلك. اسأل واقرا إزاي بيستخدموه.

الـ 10%: كورس واحد، لحد ما يخلص

ساعة في الأسبوع. اختار مصدر واحد وكمّله قبل ما تفتح غيره.

متعملش كده

5 كورسات مفتوحين مع بعض، تتفرج وتأجل التجربة، تعدّ الفيديوهات اللي خلصتها

اعمل كده

كورس واحد، ومصدر قراءة واحد، جرّب اللي اتعلمته في نفس الأسبوع على شغلك، مجربتهوش في أسبوع؟ رجّعه للـ 70% الأسبوع الجاي

آخر الشهر: عدّ إيه اللي اتسلّم

متعدش كام فيديو اتفرجت عليه. عدّ المهام اللي سلمتها بالـ AI.

• كام مهمة سلمتها بالـ AI؟
• كام prompt بقوا في المكتبة بتاعتك؟
• كام ساعة بتوفرها في الأسبوع؟