workflow جاهز في n8n: كل إيميل فيه فاتورة PDF بيتحول لسطر في Google Sheets فيه المورد ورقم الفاتورة والتاريخ والإجمالي، ويوصلك ملخص. الدليل بيشرحلك تعمله import وتربط حساباتك، وإزاي تبني workflow غيره بجملة واحدة من Claude أو ChatGPT عن طريق الـ MCP بتاع n8n.
الـ workflow بيعمل إيه
كل إيميل فيه فاتورة PDF بيتحول لسطر في الشيت، وانت يوصلك ملخص.
Gmail يلقط إيميل جديد فيه PDF وكلمة invoice
يقرا النص اللي في الـ PDF
الـ AI يطلع المورد ورقم الفاتورة والتاريخ والإجمالي والعملة
يضيف سطر في شيت اسمه Invoices
يبعتلك إيميل فيه الملخص
الفلتر في أول node ممكن تغيره لو فواتيرك جاية بعنوان تاني.
اعمله import في دقيقة
مش محتاج تبني حاجة، الملف جاهز.
نزّل ملف الـ JSON من اللينك فوق
افتح n8n واعمل workflow جديد
من القايمة اللي فوق اختار Import from File
هتلاقي الـ 7 nodes قدامك، ومعاهم ملاحظة فيها خطوات الـ setup
اربط حساباتك
الملف مفيهوش أي حسابات، انت اللي بتربطها.
- Gmail
- اربط حسابك في أول node، وفي آخر node حط الإيميل اللي يوصله الملخص مكان YOUR_EMAIL.
- Google Sheets
- اعمل شيت اسمه Invoices فيه الأعمدة: Vendor، Invoice Number، Invoice Date، Total، Currency، Received At، وحط الـ ID بتاعه.
- الموديل
- حط Anthropic API key في node الـ Claude (شغال على Claude Haiku 4.5)، أو بدّله بأي chat model عندك.
جربه بإيميل تجربة الأول، وبعدين دوس Publish.
عايز تبني غيره بجملة؟
n8n فيه MCP رسمي، يعني Claude أو ChatGPT يبنوا الـ workflow جوه الـ n8n بتاعك.
في n8n: Settings ثم Instance-level MCP، وفعّل MCP access (لازم تكون owner أو admin)
انسخ الـ Server URL وحطه في Claude أو ChatGPT كـ connector
اكتب اللي عايزه في جملة واضحة، وسمّي الـ apps بالاسم
هيبني ويعمل validate ويجرب، وانت بتراجع قبل الـ Publish
الخاصية لسه public preview، وn8n بينصح بنسخة 2.18.4 أو أحدث.